تسأل آني ليش احبك؟

تسأل آني ليش احبك؟
وانته عندي الدنيا كله
وتسأل آني احب غيرك؟
غيرك آنه اگليبي شله
انته بس انته بحياتي

وانته من الكون احله
شما تصب نار ابدليلي
شما تعيشني بمذله
اظل طيب الك مخلص

يا بعد بيتي اويه اهله
آنه دلة طيب حبك
ونارك شما زاد خله
هيه هيچ الطيبه صارت
رافگت نار اويه دله
ولغز حبك مو طلاسم

ثق يجي يوم واحله
وراح اصير الحمورابي
وگلبك ايصير المسله
وأسن دستور المحبه
ابگلبك وآخذ محله
وانته ياريم البراري

العينك امن الباري كحله
سهامي متفلتك ولتظن
تفلت امن اسهامي غفله
ياگطه وحالف اصديك
لو عليت سماي واعله
يلي بأفكاري انخلقت
وصرت ديني ويه قبله
آنه گلي اشلون اعوفك؟
چا عليمن گلبي صله؟
حالف وماعوف حبك
لو ربالي الف عليه
آنه عنتر حب زماني

امسودن وهايم بعبله
مسودن وطين اعله راسي

گلت احبك وادري زله
وچافص ابطيني لرگبتي
لاتزيد ابطيني بله
زلت الساني وهويتك
وادري حبك ماهي سهله
اشلون بيه وآنه خايف

وآنه حاير بيــــــه ملــه
وضاگت الدنيا بعيــوني
ولون وجهي انخطف شكله
گول احبك صير مثلي

ومثل گلبي صير مثله

» احبك لاخر العمر